الصديق :-

********

أوقات ببقى تايه ..

مش عارف فين طريقي...

ماشي عليه بدور ...

شباك يمكن يدور ...

لكن دايما في ضيقي..

ألاقي جمبي صديقي...

بينور لي طريقي ...

ويكون سندي في ضيقي...

عمر ما ايده ...

ابدا ...

في يوم تسيب إيدي...

يكون صاحبي في دربي..

لما احتاجه ..

دايما يكون جمبي ..

ودايما بيفكرني ...

بفرضي وطاعة ربي ...

ومش مستني مني ...

لا يوم مكافئة وأجر...

وعمر ما كان في يوم...

بينا بعاد أو هجر...

بنتخانق ..

ونتصالح ..

بنتباعد ..

ونتصافح...

علاقتنا مافيهاش أي مصالح...

غير اني نفسي اشوفه دايما جمبي ...

واتمناه بجد في يوم يوصل..

ويبقى أحسن مني ...

وهو أمنية حياته ...

يشوفني دايما صالح..

هو ده صاحبي ...

وزي ما حبي في قلبه...

حبه برضو في قلبي....

حب نضيف وطاهر ..

مافيهوش هات وخد ..

مالناش في المظاهر...

ولا يوم كان في بينا بعد ...

يوم ما اتقابلنا ...

قررنا واتفقنا ....

نمشي في نفس الطريق...

مهما مرت مشاكل ..

او مهمى مر ضيق ...

تلاقي دايما كل واحد فينا ...

بجد للتاني صديق ...

بقلم : أمينة عبد السلام