(( أحلام زائلة ))
صبرت وقلت بكره تروق وتتعدل..
وأحلامي اهي قدامي هتجيني ..
لقيت حياتي كل يوم بتتكعبل ..
وهمي بيجري ورايا في أيامي وفي وسنيني ...
ودنيا همها اني اقعد أبكي على حلمي ..
... وناس في الدنيا دي عايشة على حالها ..
لا حد بيحس بحد ولا يسألوا إيه ده مالها؟؟
ناس بنت على الغدر والخداع والذل أحلامها ..
وناس بكلمة منها قصت على كل آمالها ..
وناس ما بيهماش في الدنيا غير مالها ..
لا بصت يوم على أم ولا أب ولا حتى على عيالها ...
وناس تانية ..اتكوت زيي من الدنيا وافعالها ..
ودول بس اللي هيحسوا بآهاتي وآلامها ..
نفسي ألاقي حد ..
ارمي حملي على كتافه ..
ويصبر وعمره ما يتهد ..
ولا يقول كده كفاية ..
حرام انا تعبت ..
يمسح دمعي بإيده ..
يبعدني عن الدينا عن الناس افضل معاه بعيدة ..
يحميني يقويني ..
يحلم معايا بأحلامي ..
تسعد بوجوده أيامي ..
لكن ده حلم ..
زي أي حلم ..
مصيره للزوال
بقلمي : أمينة عبد السلام
ليست هناك تعليقات:
إرسال تعليق