(( يـــــا مصــــر ))

 

 

 

 

 

بلد بتخرب ..
قتل ودم ..
مرة رصاص ..
وألف مرة ومرة بموت بحرقة دم...
طفل رايح مدرسة .. يموت ..
عسكري جدع .. برضو يموت..
... بحب الكورة .. هموت..
نازل بقول رأيي برضو .. هموووت
ناس بتقولي أنا إخواني .. وناس تقول يا عم قول أي كلام تاني..
ما بقتش فاهم فين الضحية وفين الجاني ؟!
ليه كل واحد فينا بأه .. أناني ..
يا خسارة يا مصر ..
حالتك يا مصر والله ما بقتش عجباني ..
كان نفسي ألاقيكي واقفة من تاني ..
بس عارفة ..
 انا غير كل دول ..
عمري ما هبأه عليكي أناني ..
مهو جراحك والله بأت وجعاني ..
وحزني عليكي قتلني وكواني ..
بس اقسم لك بربي ..
انك هترجعي قوية من تاني ...
والهم ده سحاب بكرة يبأه فاني ..
وترجع الزغاريد فيكي و أحلى الأغاني ..
وبكل فخر بإذنه هرفع راسي ..
وأقول مهما كانت بلدي وعجباني ..

 

 .
.
بقلمي : أمينة عبد السلام